【向西闻记】脚板哈哈笑招牌系点解？　“骨精”Yanny：邪骨吖嘛

《向西闻记》剧集首2集就已经在HMVOD预先开播，虽然上映2个月只得2集，但在网上已取得好评，不少网民更迫不急待想欣赏余下的单元。今日（7月21日）《向西闻记》剧中演员廖子妤（Fish）、陈颖欣Yanny、张沛乐（沙律）到书展摊位中为《向西闻记》小说签书。

廖子妤接受《香港01》访问时说，自己在剧中饰演一个“扮台湾男仔嘅香港男仔”，熟悉普通话的Fish在剧内又需要装不懂。“我唔小心讲得太好嘅时候，反而要问返导演咁样系咪先似返香港讲嘅。”Fish更透露为了这次拍摄，特别与乐队ToNick合作录了一首新歌。

张沛乐（沙律）在剧中因为感情问题而做了一名PTGF（Part-time Girlfriend / 兼职女友）。“我成日都谂PTGF应该点做，系咪要好姣呢，但其实又唔系，我可以做返我自己。我问导演讲粗口系可以man啲？（你成日讲粗口？）我唔系好讲粗口㗎，所以呢一套剧，我见到啲粗口对白系好兴奋㗎。”

至于陈颖欣Yanny，就是饰演一名“骨妹”。自言是“骨精”的她，表示首次进入桑拿场所感到十分新奇。“我入到去就好八卦咁，唔知啲阿姐系点呢，啲制服又系点嘅呢，好似去探秘咁。”“骨妹”Yanny表示，拍摄时也是十分多尴尬场面：“有一场我要帮阿正踩背，因为你知做骨妹唔可以着袜，跟住我只脚趾就踩落佢个背脊度，仲呃佢话我有灰甲，问佢惊唔惊。佢就话：‘真系有啲臭㖞。’（讲起骨场，你知唔知脚板有个哈哈笑嘅招牌系点解？）邪骨吖嘛，啲人讲嘅。”