李绮雯做老板卖“散水饼”称送礼自用都宜：年宵已经卖咗6万块

《Big Big Channel》今日举行一周年生日派对记者会，同时亦正式宣告“Big Big Shop”将会开张，正式“踩过界”做埋人哋瓣。虽然成功与否就还是未知之数，但店内商品著实是应有尽有，上至日常用品，下至汽车都有，就连上几届港姐冯盈盈都表示，自己睇中了一样“又长又粗”的商品 - 港姐权杖。

其实出奇商品又点会少，另一边厢人称“𡃁妹”的李绮雯投资了小生意，在泰国清迈制造米饼放在“Big Big Shop”发售，更笑称送礼自用两相宜，可作“散水饼”之用。“本身我泰国嘅朋友佢屋企系做开蛋卷之类嘅零食，之后我哋就再喺佢厂𠮶度做呢只米饼，再喺泰国做埋包装。我哋为咗增加生产线，我哋三个合伙人都每个人都投资咗6位数字。”

李绮雯表示，其实这款米饼早前已在香港年宵时“小试牛刀”，并总共卖了一万包。问到是否打算从商弃影时，她回答说：“点解我会卖米饼，其实主要系因为我好钟意食，同埋点解我咁有信心，主要因为我自己都食好多，同埋我呢次系特登整咗个同花研草说花茶嘅crossover，希望可以喺BigBigShop大展拳脚㗎。（有信心赚钱？）我唔系有信心赚钱，因为利润又唔好高，但系起码我有得自己食，哈哈。”