【BB来了】黎诺懿教做佛系老公：老婆钟意做乜咪由得佢啰

《BB来了》播映一星期，深得一众妈妈力撑，昨日(20日)一众演员出席祝捷活动，首集29.3收视，首周30.2、暂时是全年首集收视冠军，成绩非常之好，而黎诺懿亦表示太太亦觉得好睇。

黎诺懿在剧中演饰李佳芯（Ali）老公，因为凑仔问题而纠结在婆媳之间，进退两难局面。在剧中Ali与黎诺懿急不及代去了时钟酒店，Ali著穿粉红色喱士吊带背心，诱惑动人一幕，甚为吸睛。诺懿笑言：“Ali作为一个师奶着𠮶套衫好合情合理,Ali已经超出系戏里面嘅底线,我又觉得好开心嘅套剧咁成功，真系要多谢Ali,我哋本身唔认识，系拍呢套剧先认识大家，因为佢嘅性格好大开大合，令到我好信任佢，佢又好信任我，令到戏中呢对两公婆有好多火花，拍呢场戏大家都冇尴尬，出嚟效果比预期好，所有野都配合。”老婆有冇睇呢场戏？诺懿笑言：“我老婆早睇过我，老婆知我拍戏嘅，得闲开张支票俾佢，就知我做嘢辛苦啦。”

已为人父的黎诺懿，原来现实中都会因凑小朋友同老婆有拗撬。谈到同老婆相处之道、更即刻马壮上身“各位，我同老婆系有拗撬嘅，不过系到奉劝大家，到最后都系男人都会输，无谓作无谓嘅牺牲喇，女人有时钟意想得咪由得佢啰，无乜所谓嘅，喺侧面配合下，ok架喇，所以我会采取一个唔参与嘅态度，佢讲乜我做乜呢个政策，系非常之好嘅，同埋好似读书咁啦，我企图想加把咀，老婆就会讲，‘老公你无乜读过书，不如你同个仔玩得架喇!’我觉得ok啦，大家都好清楚大家嘅路，咪由得老婆搅啦，老婆钟意嘅，我咪全力支持啰!”黎诺懿这种佛系老公，大家真系要学习下喇。

黎诺懿想起当时自己太太告知怀孕时情境，还历历在目。“有日老婆鬼鬼鼠鼠叫我坐埋嚟，就同我讲“你做爸爸啦”还告知预产期，𠮶一刻系度谂咪生唔到个生肖属猴嘅BB~老婆话系呀，我第一个反应鸡嚟𠮶㖞，老婆话：“唔好咩”，到依家都仲记得当日情境系开心嘅。”