谷祖琳17年前与古天乐拍激吻戏　今日重遇对方：好回味𠮶阵！

古天乐、谷祖琳（Jo）今日（19）出席尖沙咀日本护肤品牌活动，Jo更化身成为烹饪导师，即场为古仔炮制夏日消暑饮品，古仔饮完后大赞对方有天分。

靓妈谷祖琳同古天乐因拍摄电影《野兽之瞳》（2001）而成为好友，讲起当年与古仔一场激吻戏，Jo依然难忘。“当年可以讲呢套戏系我正正式式拍的第一部电影，自己本身比较新，导演安排我第一日拍嘅时候，就系我首次见古仔嘅时候，跟住就拍激亲戏份，我唔知点解第一日就安排呢啲咁嘅戏份，可能导演咁嘅安排可以令日后拍起上嚟轻松啲，其实拍第一日嘅时候都几“哽”㗎，心情好鬼紧张，今日见到古仔，令我忆起喺好早以前拍戏嘅时候，佢畀我嘅感就系一个好tough嘅人，好回味𠮶阵时候。”

电影《非同凡响》即将在香港上映，谷祖琳在戏中饰演一名特殊学校音乐老师，一直渴望能转到主流学校任教，却因被标签为特殊学校老师，而遇上阻滞。“我拍呢套戏，我系𠮶间学校度教咗三个星期，啲学生唔知我真正身份唔系一个真正老师，佢哋以为我真系老师，班学生好乖好听话，好期待香港上映，呢套戏系一套励志片，当中好多感动情节，故事太写实。”