【入住请敲门】林婷勇探猛鬼酒店震惊观众　监制：要畀多次机会佢

《入住请敲门》第一季揾嚟林婷同莫竣名做主持，但结果因为林婷细胆，成日都将“唔得呀！真系好惊！”挂嘴边，结果惹来怒骂。《入住2》今个星期首播，ViuTV迟迟唔公开女主持身份，直到第二集播出前当日下午，透过facebook专页释出预告，原来都系林婷！随引有不少负评留言。

不过，第二集播出后，网民都纷纷大赞林婷淡定且进步了不少。其实林婷今次挑机马来亚来云顶嘅酒店，早已经因为发生过不少命案而半荒废，林婷除指定入住命案的楼层外，亦有巡楼，去到伸手不见五指的停车场，虽然她表示感觉好唔舒服，但完全无缩沙，最后更推门查探空置房间，单系呢份勇气，已令不少网民佩服，更指现场环境恶劣，一般人都未必愿意多行一步。

对于继续起用林婷，《入住》监制吴继业接受访问时，就认为点都要比多一次机会。“就算我自己都未必咁去啦，更何况佢系一个女仔，仲要系好斯文𠮶只，不过得到咁嘅反应都讶异，今次希望佢可以建立返信心，始终新人第一次做节目，有咁多负评对佢其实唔系咁好。”监制吴继业指拍摄前，有为林婷做了一些心理建设，希望为她带来信心。“比咗好多参考资料佢，亦都同佢讲可以惊，但同时希望佢可以叙述返现场感觉比大家知。”监制又指两位主持人都系揾命博，所以今季演出费亦有加码，至于会否有第三季呢，佢就话：“虽然好多观众都欢迎，但做太多会唔会无新鲜感呢？要考虑。”
 

虽然林婷惊青，不过ig有不少靓相，大家可以睇下