【书展2018】刘佩玥做一日店长谷新书：冇谂过回响咁大！

港姐出身的刘佩玥（Moon）今年首度出书，以文字相集《我的微笑之道》在“香港书展2018”中插旗，以过万文字加美国靓相，用“仙气女神”姿态硬撼一班写真模特儿。今日（18日）早上书展正式开锣，Moon以“一日店长”身分到摊位谷书，更以低胸晚装长裙亮相，吸引过百粉丝前来支持，而Moon的父母、胞弟，好友伍允龙和王子涵亦有来到打气。

Moon接受《香港01》访问时表示自己从没想像过有如此大批书迷支持：“寻晚我化妆师仲同我讲‘会唔会冇人买’，我就话应该有百几二百本啩，到今日我先知回响咁大。我今次系呕心沥血送晒自己嘅真诚出嚟，所以好开心。”她坦言今次印了3000本书，若销量好或考虑加印，之后亦应该会推出网上订购：“但其实我冇谂过印几多本先最好，同埋网上订购可能同书展版唔同，但详情未公开住！”

Moon坦言自己并不想身边好友大手入货，因为创造高销量非其初衷：“我系想多啲读者可以喺我嘅书里面得到能量，睇完后借畀亲戚朋友都OK，我就系想分享。”问家人是否已睇新书？她笑认未睇：“但妈咪睇咗初稿，佢话‘OK啦’，然后就行开咗，我问‘其实刘太你会唔会有啲Comment’，然后佢话‘冇，几好’，不过我今日见到佢都好开心。”

提到绯闻男友周志文，问对方何时才会来撑场，Moon谓：“佢20号嚟，佢会同Happy Live其他成员一齐嚟，即系周志康同翟威廉佢哋，至于好姊妹陈滢同何雁诗就嚟唔到，陈滢唔喺香港，何雁诗就要开工。”她说可能动笔写作时感觉孤单，所以一众朋友都向她加倍奉献爱。