【BB来了】李佳芯卢宛茵细腻演绎创收视新高　小品剧打出一片天

2018年已经过咗一半，今年嘅收视战起咗微妙变化，因应观众习惯改变，变成跨平台收视。但剧集得唔得民心，播出有无口碑，就真系要睇剧集能否引起共鸣啦。《BB来了》播出一个多星期，难得地引起近期少见嘅社交平台洗版热潮，无论系已婚定未婚，生咗BB定谂紧生唔生一样大赞贴地有共鸣，呢日更传出收视报捷﹗

【BB来了】女强人忽然Bingo做妈妈 李佳芯忐忑心情网友赞有共鸣

有传媒报导透露，《BB来了》首集收视有29.3点，有机会成为2018年度，首集最高收视嘅剧集，官方数字尚未正式出炉，但观其口碑及讨论程度，收视应该相当理想。其实晚上两线黄金剧集时段，2018年开始至今共播出13套剧集，当中不乏大制作好似《溏心风暴3》、《天命》、《飞虎之潜行极战》，但居然通通唔及小品家庭剧《BB来了》咁收视高开，一切源自共鸣两个字。

【BB来了】李佳芯卢宛茵展婆媳大战 新抱奶奶永远睇对方唔顺眼？

近年TVB好多剧集唔系警匪就系争产，而且行政总裁李宝安早前亦表明，TVB已安排四分之一剧集合拍制作，但好多时剧情难以同时迎合香港及内地观众，而且播出时亦会受掣肘，好似《溏心风暴3》内地点击破15亿，但香港收视则每况愈下，而且争产争足十几年，观众已经开始厌倦。

【BB来了】黎诺懿闻“妈妈谷”色变 李佳芯即Join真系港妈必入？

反观近两年受香港观众热捧嘅都系小品剧集，《亲亲我好妈》、《三个女人一个因》到依家嘅《BB来了》，讲嘅内容都系日常生活，发生喺你我身上嘅写照。呢类小品剧集投资预算未必好多，好多时仲系俾编导小试牛刀之作，但因为题材够贴地，容易令观众投入其中，亦非硬要堆砌金句或押韵，效果反而更为突出。

【BB来了】黎诺懿戏里戏外都抵赞 绝世好爸爸凑小春鸡亲力亲为

好似《BB来了》首集，女主角李佳芯一句：“你知唔知一个女仔有咗代表啲咩呀？系事业身材样貌全部即时ALL IN呀﹗”成功令电视机前女观众齐齐爆喊；剧中婆媳纠纷就算自己好彩无经历，类同案例都总有一个喺左近；仲有陈秀珠同Ali嘅母女情，虽然时有争执但只因为爱，就连新手爸爸面对极大压力都能够顾及得到，难得获大批观众追捧﹗20集啱啱先播到3分之1，相信收视仲有攀升空间。