刘佩玥揸车胡鸿钧唔敢坐：佢性格好狂野
撰文： 赖家杰
出版：更新：
胡鸿钧（Hubert）今日（17日）出席道路安全活动，活动更加邀请一众长者参与，Hubert更为一众老友记唱歌，问到Hubert他是否一位安全司机？Hubert自问自己都系一个安全道路使用者，“我自己都有揸车，都好钟意揸车，但你问到我有冇畀人扣过分呢？有嘅，因为我有时候揸车太攰，系到谂野，所以就超速都畀人扣分，不过宜家自己会更小心。”
但唔知道Hubert身边有冇朋友系公路炸弹呢？Hubert讲到系冇嘅，但揸车比较快就有，“我作为佢哋嘅乘客都惊，会好多左穿右插，所以都会提佢哋唔小心啲。”咁众所周知Hubert同吴若希及刘珮玥都系好朋友，佢哋经常感觉畀人都疯疯癫癫咁，但佢哋揸车会唔会同性格一样？Hubert解说：“吴若希坐过佢车，安全嘅，但Moon就未坐过，但佢性格比较狂野少少，所以都唔敢。”
都知道早前Hubert同刘珮玥去马来西亚拍综艺节目，节目主题系远离电子产品30小时。现代年轻人就经常机不离手，近乎唔可以离开电子产品，会唔会都难到Hubert呢？Hubert指自己问题唔大，不过对Moon嚟讲有难度，“佢有两部手机啰，大家可以估下佢辛唔辛苦啦，佢好忙，佢成日同我解释话出新书，所以好多工作要忙，我算系咁啦，帮佢宣传新书。”