李佳芯无惧公司“封口令”网上发表世界杯言论 网民大赞Ali勇敢
撰文： 赖家杰
出版：更新：
昨日（15日）举行世界杯决赛，法国ＶＳ克罗地亚，比赛已经完结，虽然克罗地亚输咗呢一场比赛，但克罗地亚永不放弃嘅精神已经赢得大众市民嘅掌声。早前TVB传出禁止艺人讨论世界杯嘅新闻，唔少TVB艺人亦都冇公开讨论，但昨日决赛实在太精彩，女神李佳芯（Ali）亦都喺自己社交网站公开发表观后感，“这个舞台，有热血、有理想、有冀盼、有笑与泪亦有意想不到。逆境不可怕，身处逆境仍保留打不死精神，可敬。人生舞台如是，继续耕耘。不舍这片草地。”
Ali今次高调发表世界杯感受深得网民赞赏，有网民大赞Ali勇敢发言，因为指TVB要封口都勇敢讲出嚟，亦都有网民担心Ali呢次发言，因为大家都好似知道大台好“小气”，不过４年一度世界杯，睇下都好正常，无线应该唔会捉Ali倾偈啩？