【高凶浩劫】昆凌英文“嘞嘞声”获赞　周杰伦娶佢后英文进步神速

台湾天王周杰伦爱妻昆凌最近就为自己首部进军荷李活嘅电影《高凶浩劫》（Skyscraper）四出宣传。饰演女杀手嘅昆凌喺戏中除咗揸枪果阵凌厉嘅眼神同俐落身手令人眼前一亮之外，昆凌戏里戏外“嘞嘞声”嘅英文更加引嚟唔少网友赞叹。

The Rock趁周杰伦唔喺度就出手？ 揽住人妻昆凌笑晒影台照

昆凌英文好其实一啲都唔出奇，皆因佢系半个鬼妹。昆凌爸爸系澳大利亚人，妈咪就系中韩混血儿，三国混血令佢唔止有亮丽嘅外表，亦有好高嘅语言天份。

虽然昆凌3岁果阵父母离咗婚，但昆凌一直都系跟着爸爸生活。昆凌爷爷更加系澳大利亚一所大学教授，喺当地好有声望。而昆凌嘅妈咪虽然搬咗去韩国住，但是后来为咗照顾好昆凌，都特意搬返台北居住，陪昆凌读书。

昆凌毕业于庄敬高职表演艺术科，虽然一度报考大学学力测验但未被录取。但都曾前往美国纽约电影学院洛杉矶分校短期进修电影制作同电影表演课程。

昆凌英文咁好，难怪周杰伦早前陪昆凌参加大陆嘅电影首映会之后，周杰伦以英文发文感谢荷里活大只佬动作明星“The Rock”Dwayne Johnson 对老婆嘅照顾，英文水平简直系进步神速呀!