【C9特工】黄建东曾到纽约读戏剧　无悔返港做配角：要放低过去！

无线艺人黄建东（Derek）2011年参选“香港先生”入行，凭自弹自唱自己创作的歌曲、Rap、角色扮演以及跳踢跶舞勇夺“演艺潜能大奖”。7年间，阿东除了演戏之外，还做过主持，亦参演过电影，只不过未能同观众留下深刻印象。2014年，他凭剧集《食为奴》中“九阿哥”一角而为人熟悉，两年前因二次创作日本洗脑歌《PPAP》广东话粗口谐音版而人气急升，至去年更在《降魔的番外篇 ── 首部曲》首度担正。继今年在《果栏中的江湖大嫂》扮中年搬货阿叔后，他再次接拍新剧《C9特工》扮核突佬角色，但原来一早他一早已经冲出香港，在纽约发展......

负笈纽约主修戏剧　返港放下过去

阿东读完中七后，一心想加入娱乐圈发展，在家人支持下，他前往美国纽约州立大学佛东尼亚分校戏剧系主修演戏，还以高级荣誉毕业，其后在外百老汇（Off Broadway）参与过演出，相比百老汇，前者规模较小，剧场座位介乎100到499个之间，然而表演风格更自由，他更因此成为美国舞台剧演员公会（Actors' Equity Association）的演员。返港后，阿东加入香港话剧团做演员，参演过不少话剧和舞台剧的演出，包括《德龄与慈禧》、《暗恋桃花源》，而在《安娜与陈七》，他更一人分饰19角，相当有实力。

自己是科班出生，演艺经验丰富，但现在TVB工作，似乎有点屈就，“其实当我返嚟香港重新开始嘅时候呢，已经知道要摆低过去，因为系活在当下嘅，唔可以话我以前系点样，返到嚟就要点点点，咁样系唔Work嘅。特别喺演艺圈，其实学历对演员嚟讲系唔重要嘅嘛，所以自己唔会畀𠮶样嘢困住啰。”阿东直言自己适应能力强，去到哪里都可以生存，所以一早已经放低。

刻意丑化自己杀出新血路

阿东说加入TVB之后，听到太多的意见，自知并非“靓仔”类型，自从二次创作神曲《PPAP》成功之后，阿东发现“丑丑哋”的自己反而观众更受落：“因为有时自己认真嘅时候好似有啲恶咁，所以之后有《I've found my GF!!!》呢条片，又有林作𠮶条片，都系一啲令到自己丑化啲，令到自己迎合到大众口味多啲啰，因为就算我最靓个样，都唔及真系靓仔小生嘅一半样啰，咁我知道呢样嘢，所以反而觉得自己走𠮶啲小小丑角呀，小小骑呢、搞笑呀，观众会认得我啰，观众会钟意我呢一面啰。”好多时候，演员带给观众欢乐的背后都是心酸，阿东坦言自己都会有小小唔开心，不过会抑制住：“我知道呢一行其实系唔容易做，咁自己可以杀出一条血路已经好唔容易，同埋我系乐观底嘅，我唔会沉溺喺唔开心，可能当下自己会觉得‘咦，点解咁嘅……’但系瞓一晚就OK晒。”

新剧专食师奶“豆腐”　电发新Look似中佬

阿东今次和马国明会在新剧《C9特工》中做好兄弟，他大赞马明好人，无论工作定私底下，都是一个好贴地的人。阿东在剧中将饰演一个豆腐档档主，讲起这个角色，阿东也觉得好有趣：“我个角色叫豆腐黄，里面几得意嘅，个角色介绍我系专食啲师奶豆腐嘅，为人有啲风趣幽默啦，有啲抵死呀，撩下啲师奶。”

阿东还说今次造型的其中一个特点就是发型：“今次做街市佬，之前做过果栏搬货佬，今次想有啲唔同嘅造型，所以监制就要我去电髪，电咗一头中年嘅头发，每次开工前都要卷差唔多9个字，要set头。”阿东笑言好多人见到他这个造型，都说他与《果栏》连戏，还有个肚腩仔，相当贴地，不过他并不想被定型在这类角色，所以都在积极做运动：“我同朋友参加一个礼拜跑15k嘅挑战，如果唔系就要罚200蚊美金，每个礼拜计㖞，咁所以就逼到我跑步，要firm返啲啰，瘦返小小。”