【天命】嘉庆被嫌得一个表情　谭俊彦：睇多啲就有其他表情

无线清装剧《天命》一班演员来到九龙湾宣传，嘉庆谭俊彦﹑皇贵妃李施嬅﹑𫍯妃陈自瑶﹑和珅陈展鹏等人分成两队大玩游戏，笑到一班街坊见牙唔见眼，最后难以分出胜负打成平手大家更齐齐与民同乐，大派礼物大小朋友都争著要。

有睇《天命》的都知道， 谭俊彦饰演的嘉庆无时无刻都摆出一幅凶神恶煞的样，令唔少人睇到都心惊惊。不过似乎每次都摆出呢个样，将“凶”的一面演得过火，被网友质疑好似有躁狂症演技冇咩变化，对此谭俊彦就唔系咁睇：“角色设计嘉庆是有躁狂症，睇多啲就有其他表情。当然有人接受有人不接受，这个是我在TVB第一部剧，当然同大家的节奏同大家的表演方法有一点适应期，随著28日一日一日推进，这个角色会愈来愈平和的。大家真系要睇。”

作为在无线第一部剧，谭俊彦亦都知道观众需要适应，他就叫观众期待他之后将播出的剧集会带来与众不同面貌：“第一次在TVB拍剧，对著一些新对手新环境好多嘢都未适应，好多谢大家给意见。之后有几套剧会播出，我相信有唔同表演唔同角色的感觉给到观众。”

正正因为该剧以历史人物为主，而《天命》似乎将和珅美化了，好多时候其实都同史实不符，问到谭俊彦怕唔怕该剧教错观众历史，他就认为：“历史是如何就冇人知，因为历史留给我们只是一本书，记录一些事到底是如何亦都冇人知，好似包青天咁大家印象是肥有胡须，其实真正的包青天是又矮又瘦，如果所有事都根据历史可能唔好睇。”对于今次处女作他只给自己6﹑7分（10分满分），因为仲有好多进步空间的，他亦保证之后的剧照有唔同层次。

眼见身为人夫人爸的他原来都好有才华，今早就在个人社交网站上贴一段玩结他片，唔讲唔知原来他已经玩了二十多年：“现在拍紧18年后好阴沉，好多事唔开心所以用音乐放松自己。”而他最喜欢原来是重金属音乐，望有机会给观众多睇自己呢一面。