【开心速递】曹总开IG扮后生仔：我唔系好识玩

无线处境剧《爱‧回家之开心速递》中的曹总 ((林一飞饰) 虽然系配角，戏份唔系特别多，但每次他出场就好抢镜，剧中的曹总虽然是一名来自大陆的土豪，但为人正直又有情有义，肯讲道理，性格相当讨好，所以深得网民的欢心。早前仲有一集就系讲曹总追求熊若水 (吕慧仪饰)，曹总于这集就尽显他的绅士风度，都有一刻打动了若水㗎。

最近曹总竟然开了IG，短短6日已有6千几followers，认真犀利，虽然不少人都怀疑是不是真身，不过大家可以放心，《香港０１》打了给曹总确应，他说：“喺公司叫我开，我其实好少玩呢啲嘢，唔系好识玩。”虽然曹总在剧中充满喜感，但现实中的他原来好低调，“我其实除咗工作，都好少做访问，因为公司有规矩，我亦有配音的工作，《开心速递》加咗集数，我都应该继续有啩？（你剩系follow咗吕慧仪㖞）系咩？我唔知㖞...哈哈。”只follow一人，桥段似足日剧《大叔的爱》入面的情节一样，开个IG只follow唯一的心上人，曹总呢招好冧呀，估唔到曹总戏里戏外都咁可爱，网民都大赞他识玩，话他够晒连戏。就算忙住拍剧同配音的工作，他都会抽时间回应网民在他IG上的留言，同网民互动，难怪咁得大家喜爱。

一齐睇下曹总嘅精彩演出：