吴千语IG晒收花相 富三代男友疑似唔领情IG开骂
撰文： 冼燕珊
出版：更新：
现年24岁的吴千语，今年初被爆与拍拖五年的林峰情断，有传是吴千语一脚踏两船，未与林峰分手就已经与有米新欢施伯雄(Brian)挞著，即使林峰百般挽留，都留唔住BB，有指原因是Brian身家比林峰更丰厚，而且年纪也比他后生得多。
虽然吴千语与Brian一齐已是公开的秘密，不过比起跟林峰拍拖期间，这次千语就相对低调好多，不过昨日佢终于都忍唔住，于 IG 放闪，在IG Story 上载一张橙色玫瑰花相，并 tag 男友Brian，虽然字体比蚂蚁还要细粒，但仔细睇就会发现。
而睇返Brian嘅IG Story，佢今日上载咗一张图，当中以英文写著： “Bitch，don't kill my vibe.(八婆，不要打破我的宁静)” 咦，唔通系回应千语高调放闪，令到二人恋情再次成为话题，打扰咗佢嘅安静？这张图片上载咗大约半小时，就被Brian删除，令事件更加扑朔迷离。
讲返Brian嘅条件同背景，佢成个package都好得，外表官仔骨骨，绝对拎得出街；学历方面，Brian毕业于被誉为“政治家摇篮”嘅美国乔治华盛顿大学，主修工商管理；讲到家庭背景，佢系前全国政协兼地产商施子清嘅长孙，名副其实嘅百亿富三代；Brian虽然家庭背景惊人，但佢都有自己嘅事业，系一名企业家，一手创立网上房地产平台，仲因此而得过“网络人气大奖”。最紧要嘅系，Brian今年先28岁，细林峰足足10年，同千语年纪相近，似乎更啱咀形。
+1