广州女花费5万欲变迪丽热巴　结果连自己都顶唔顺：丑到吐

迪丽热巴拥有新疆的美人血统，被喻为“零死角美女”。一名广州女子，经常被称赞似迪丽热巴，但佢就自觉完美，特别系个鼻，于是就揾整容医生求助，费用大概5万多人民币。只可惜，当手术完成之后，呢位女子听到朋友嘅评价系“你个鼻结合咗阿凡达同雷震子（封神榜角色之一）”

迪丽热巴变阿凡达？！都话整容同投资一样都系有风险架啦，呢名女子亦以“丑到吐”、“他把我一个女生变成人不人，鬼不鬼”形容自己，虽然极之不满，但整容医生就坚持“非常好”，几经争取之后，女子再次进行修补手术，但相信连佢自己都估唔到，个鼻会歪咗，而无良医生今次亦拒绝应错，更表示“你一直强调迪丽热巴那种，但你长得没有迪丽热巴那种脸，医生怎给你做出一模一样呢？”听落又真系有道理㖞，但整容唔系因为想有明星脸咩？呢当呢名女子再次去医院投诉时，发现原来另有4名苦主同佢样，比医生整歪个鼻。事件曝光后，网民反应不一，有指迪丽热巴个鼻本身都唔靓，唔明点解要以佢为目标，亦有网民认为呢啲系自作自受。