【体育世界】播映38年迎来终结　无线裁员解散体育组

系人都知在香港做运动员揾唔到食，但估唔到就连做体育节目都不被重视，在裁员潮下会首当其冲成为牺牲品。日前已有报道指无线会进行大裁员以精简人手，节省开支，而播足38年的长寿节目《体育世界》一班员工就无得留低，体育组全组由30人被裁剩5人！而最后一集的《体育世界》于本周播出后，呢个节目就正式迎来终结。

《体育世界》的facebook专页亦出了post同大家交代返件事，重温一下昔日的集体回忆，最后提醒大家记得支持最后一集播出的节目，又叫大家帮手share呢个post。最搞笑是话：“有今生无来世，MyTVsuper无得重温㗎”，真系想再睇都无㗎喇，临尾就多谢大家一路的陪伴。而该组的一些前线员工也有于IG开post留言讲感受，又上载了一组人以前的开心合照来留念。

《体育世界》facebook post详情内容如下：

（请分享到你的FACEBOOK，陪著我们走到最后)
欢迎欢迎！欢迎收睇【体育世界】！
今日比较冷清d，得小编为大家主持

当个个都成日以为【体育世界】好耐之前就无咗，其实我哋仍然默默存在。
但嚟到今集【体育世界】，我哋真系正式大结局啦！
仲记唔记得我哋个首比“绿袖子”仲入脑嘅主题曲呀？
仲记唔记得细个嘅时候，一到周末就会坐系电视机面前睇住【体育世界】？
少年，你已经不再年轻了。

哎！伤心事唔讲咁多！又暴露年龄
今集嚟到最后一集，话咁快嚟到尾声，到咗最后嘅无奖问答游戏时间，问题系：请列出最后一集体育世界中，最后出现嘅历代主持名字。
（提示：片尾有彩蛋）

喂！系今日（7月7日）中午12点TVB【体育世界】呀！
听闻片尾仲有彩蛋架！
有今生无来世，MyTVsuper无得重温架，快d叫醒你个fd一齐睇啦！

p.s. 小编最后嘅小小请求，希望大家能够share呢个post，系最后嘅最后有更多嘅人陪伴节目走到最后一刻。感激！

＃系彩蛋唔系流弹
＃雕 
＃喂系个画面有声咋 
＃音乐嚟架咪谂错隔离 
#直线又好曲线又好射得中咪得啰 
＃维护香港体坛发展嘅重要任务要交番畀各位啦
＃我完成咗划时代意义嘅重要历史性任务啦
＃工已收
＃请开启你的电视机
＃来让我们笑著欣赏这结局
 #UNOFFICAL要讲明 ＃后会有期