【后生仔倾吓偈】冯盈盈唔介意男友睇AV：要佢分享最近有咩好嘢

最新一集《后生仔倾吓偈》继续系以“AV成人影片”为主题，身为AV专家的FYY冯盈盈全集劲多伟论，连6号都甘拜下风。

【后生仔倾吓偈】冯盈盈原来系AV专家　分析不同片种：有时间停止

节目一开始，众人先系讨论能否接受另一半睇AV又或者沉迷AV，冯盈盈就以食饭作比喻，并表示：“食唔饱，咪自己食啰，我觉得OK，因为（性生活）总会唔平衡，食唔饱咪拣自己食，任君选择。”但同场有后生仔就觉得瞒住另一半睇AV，有如思想上出轨，但冯盈盈就唔多认同，更指“厨师当然系自己煮比自己食，食自己就系爱你嘅表现，因为唔勉强你。”她表示就算另一半睇苍井空都无问题，因为本身都觉得苍井空十分吸引，就算另一半沉迷AV都可以接受，只要唔好影响二人相处嘅时光就可以。“但系佢可唔可以分享返最近有咩好嘢，我觉得咁会好好，因为带嚟大家都钟意。”

有后生仔认为睇完AV就一定有下一步动作，冯盈盈就好认真咁话：“有时男人太大压力就会需要食嘢，补充体力同舒压。”听到呢度，在旁嘅6号都忍笑到面容扭曲，但都不忘话过度舒压会影响身心发展，大家估唔估到冯盈盈会点答呢？“所以咪话唔好太影响，搞到无力同我出去食饭。”真心感受到冯盈盈有几咁重视食饭。她之后又话听过朋友分享食饭理论。“平时如果多啲自己食饭，咁佢同其他人食饭时就可以食耐啲，同埋佢习惯咗食饭就唔会觉得食饭好攰。”性博士冯盈盈更认为“自己食饭”其实系训练的一种，不过佢亦都强调睇AV有机会接触错误嘅观念同性知识。“因为某啲情节太跨张，无专业嘅训练，好易整伤或者做唔到。”

提到AV类型时，性博士冯盈盈再次转回AV专家嘅身份，并如数家珍一样，“老师学生、空姐、医生护士、搭巴士、警察、按摩、浸温泉、海滩、人妻、家庭主妇、兄妹、爸爸妈妈……”之后她更指出AV男主角唔再只得力量形，又指近年的AV除会照顾女性观众外，亦有教导形式“会放慢节奏同叙述流程，照顾无乜经验嘅女观众”而呢类型嘅AV男主角，多数都好似偶像爱情剧主角一样靓仔。不过，问到最近睇过边个靓仔先，冯盈盈就即时口窒窒，并以傻笑带过。

虽然冯盈盈唔肯讲最近睇过边个AV男优，但佢就推举宇都宫、三上悠亚、JULIA、桃谷绘里香呢几位新晋实力女优，更指唔少网友都话佢同桃谷绘里香十分相似。“我睇睇，真系同我一样咁靓女，瘦瘦哋身材唔系特别惊人 ，所以其实都几有亲切感。”咁男朋友家中是否有一系列嘅桃谷绘里香珍藏呢？冯盈盈快而肯定咁话：“佢口味唔系呢方面。”