【深宫计】破30亿点击演员轮流派福利 张文慈泳照大战黄心颖
撰文： 洪晓璇
出版：更新：
《宫心计2深宫计》进入结局篇，宫内各人好似陈炜胡定欣同周秀娜刘心悠，马浚伟同萧正楠马国明，斗争都渐趋白热化阶段，收看次数亦节节上升。监制梅小青7月4号于网上宣布剧集双语播放量破30亿，一众演员都兑现承诺，纷纷贴出泳照派福利。
之前点击突破20亿时，太平公主陈炜已率先贴出仙气童年照，嚟到30亿当然要加码﹗炜哥留言话：“说好的泳衣照22年前的太平公主﹗”佢贴上当年22岁参选亚姐时嘅相片，著上桃红色一件头Deep V泳衣，一头短发青春可人。饰演汪司膳嘅张文慈，话晒系一代性感女神，福利照点可以执输。Pinky留言话：“说好的30亿福利来了！18年前现代版床照相一张！小青姐～ 这张收货吗？”Pinky瞓喺床上，著上白色吊带裙难掩好身材，连床照都出埋有咩可能唔收货呀﹗
一班前辈纷纷出招，后生一辈无理由唔出手架，黄心颖就“正面反击”，贴上一张瞓喺度享受日光浴嘅相片，白色比坚尼尽显好身材，粉丝争相俾like，唔知马国明睇完又收唔收货呢？除咗三位美女，萧正楠同马浚伟都有贴出福利照，唔知“元玥”刘心悠，同埋“纯熙”周秀娜几时先出手呢？