【东方华尔街】刘德华续集不止做监制　应承会演出：想同大家演下

天王刘德华（Andy）以监制身分出席剧集《东方华尔街》慰劳宴。他受访时坦言自己虽然担任监制，但前期因为堕马受伤，所以好多工作都未能亲身参与，既轻松又遗憾。提到剧集已确定开拍第二季，问会否继续以原班人马演出，他答谓：“未知，要睇剧本系点，再谂下可以点玩同加新嘢。（演埋一份？）可以嘅，到第三、四季先啦！”席间，华哥亦向吴镇宇、张孝全等一班演员说：“唔好意思冇时间够大家一齐拍，知道大家都出咗好多力，希望好快有机会合作，唔单止系做监制，我仲想同大家演下！”当吴镇宇分享自己的难忘事时，华哥又笑住唱许冠杰的名曲《难忘你》：“难忘你的姿态动静！”非常搞笑。

至于黄国强导演则指自己都好想华哥可以帮手，而福斯传媒集团高级副总裁严嘉念亦宣布ViuTV数月后播放《东方华尔街》，亦正构思第二季剧情，集数将超过五集。

提到刘德华前日（26日）获邀做奥斯卡评审委员，继李安、吴宇森和章子怡成为美国影艺学院会员，有资格投选奥斯卡最佳电影，华哥指自己收到消息后都好惊讶：“我自己都估唔到，‘乜真系㗎’，我都开心嘅，睇咗咁多年奥斯卡，终于可以到做评审。有啲奖做评审冇得睇片，今次可以名正言顺睇晒啲戏先去拣。”而讲到最近经常传出华哥老婆朱丽倩再度怀孕，他即笑谓：“我都期待紧好消息。”