【世界杯】C朗近9000呎豪宅曝光 唔只有泳池仲有足球场
世界级足球巨星、葡萄牙翼锋C朗拿度(Cristiano Ronaldo, C朗)，在世界杯的表现令人震奋，在首场分组赛中一人之力对战西班牙，个人贡献三球，不负球皇之名。C朗现年33岁，不仅是当代最出色的球员，亦是世界上收入最高的运动员之一，名利双收。他在马德里有一座豪华独立屋占地8,600平方呎，价值高达5,510万港币（其实对比香港楼价算劲平）。
独立屋由著名建筑师Joaquin Torres设计，除了基本的客厅饭厅之外，共有7间卧房、8间浴室、还有健身室、奖杯展览厅、迷你足球场和泳池。
门口
C朗家的门口印了他的名字Cristiano Ronaldo的缩写CR，好难唔知系佢屋企。
客厅
C朗非常注重形象，所以客厅有很多镜面的设计，除了墙壁，连相框都系镜面的。色彩基调采用增强明亮感的白色及黄色系，配以黑色家具，增强对比，摆设有水晶吊灯、花卉等，还有一些陶瓷动物，C朗说他很喜欢其中有一只斑点狗陶瓷摆设，因为贪佢唔识吠。(系呀，佢话休息好紧要，所以唔想有动物嘈住佢挂。）
饭厅
C朗一向重视家庭，饭厅张饭台当然要有返咁上下大，咁就方便成家人一齐围埋食饭。C朗更说他大部分日子，一日三餐都在家解决，所以饭厅好重要。
偏厅
平时用嚟招呼朋友，一齐倾吓计，饮吓嘢，Chill 吓，目测可以同时招呼二十人以上。
睡房
C朗个睡房仲大过个客厅，佢话睡房系最重要嘅地方，因为要发挥好的表现就要瞓得好。
健身室
C朗之所以能在足球坛上保持佳绩，全因佢对自己的体能有超高的要求，屋企整个健身室好基本啦，唔系点Keep得咁好，佢话过：“虽然我 33 岁，但我感觉我的身体就像 23 岁般。”所以有个健身室好重要。
迷你足球场
要保持最Fit嘅状态，做完Gym，就梗系要即刻练埋波啦。
奖杯展览厅
众所周知，C朗获奖无数，同时系一个很好胜嘅人，奖杯展览厅除咗可以满足佢嘅虚荣心，亦同时鞭策佢时刻保留最好嘅状态，继续超越自己。不过C朗之前开咗间个人博物馆，公开展览自己啲奖杯，相信屋企用嚟放奖嘅位已经细咗好多。
泳池
豪宅嚟讲，泳池好基本啦。