杨明若结婚生几多个先够？　庄思明：呢方面冇压力

杨明与女友庄思明出席好友李漫芬女儿嘅百日宴，二人都称礼物方面应该折现，因为BB大得好快，开头都想买衫裤鞋，但想一想都唔太好，倒不如现金啦。二人都开始经常出席朋友婚礼或百日宴，问到会唔会都想快少少生返一个？杨明都表示结咗婚都想生小朋友：“起码要一个儿子和一个女儿”思明听完男友咁讲都唔会有压力，因为本身都钟意小朋友。在旁杨明听到后笑说：“可能佢觉得唔够呢？”

早前庄思敏获国际美洲大学颁发“荣誉工商管理博士”及“礼仪顾问”两项名衔，但有网民质疑呢个资格，亦到喺思明社交网站进行骂战，思明都有留到呢一件事情发生：“唔系同我闹交，有啲人支持佢有啲人就唔支持，其实我有回复𠮶个质疑佢嘅网民，我问佢有冇听过一样嘢叫荣誉博士，你唔洗实则好似一个人读PHD咁日日番学，荣誉博士就系人哋觉得你受得起就可以，系呢一间学校选择颁畀佢，我哋又唔会特登去质疑番呢间学。”思明都讲到家姐唔会因呢啲事唔开心，因为佢系开心果。