【书展2018】Rose Ma写真取景日本“That Pool”：啲泳池水无味㗎

Rose Ma（马俊怡）向来都有电竞界女神之称，今年书展更乘势推出个人写真集。Rose Ma接受《香港01》访问时表示，这次写真拍摄希望“趁青春留倩影”，所以更不惜工本到日本取景拍摄，而她本人为了这次写真也落力减肥为求达至理想身型。“我宜家都keep住有做Gym，影写真前都减咗四磅㗎。不过我就觉得唔一定瘦就好，有肉地又firm都可以好正。”

Rose Ma：“影写真前一星期去2次Gym左右，都戒晒宵夜同埋饮少甜或者无糖嘢饮，同埋食小啲淀粉质，不过我都系三餐照食，哈哈。餐单方面就早餐食饱啲，脱脂奶粟米片，蛋白𠮶类，中午就半碗饭或者一碗白饭，至于晚餐就真系随意，但系就唔会油。晚餐嘅话我尽量都会8点前搞掂，同埋最钟意食嘅甜品、McDonald's都戒埋。我影写真𠮶几日真系完全唔敢食嘢咁济，有时就一日食一个饭团。因为我本身好大食，所以𠮶几日真系饿到唔识饿。（又话有肉地好睇？）我都系想有少少线条。”

Rose Ma表示，今次写真集总共花了4天、拍摄了有超过10个场景、超过20个造型。“有啲场景仲系工作人员揾道具砌出嚟㗎，我最钟意himono onna （干物女）个场景，因为干物女系完完全全我嘅写照，同埋场景布置真系好精细㗎。（点解会去＂That Pool＂影写真？）因为想试下喺个到游水系咩感觉，哈哈哈，其实去＂That Pool＂影相系团队主意。（有冇咩特别感觉？）我觉得好唔真实呀。（好多人都好奇个泳池水系咩味...）无味㗎，哈哈，你哋唔好咁多幻想啦。”