李君妍成TVB“亲生女”：上年已经叫我签约　

动漫节记者会上有一位TVB动漫大使-亦都系Godlike Girls之一，佢叫李君妍，大家可能都会时常系TVB剧集见到佢，但又叫唔出佢叫咩名，而最近佢终于成为TVB“亲生女”，签约成为旗下艺人，虽然以往佢都有喺TVB拍剧，但始终唔系“亲生女”，机会都未必有其他人咁多，3月尾时候终于签约，对于君妍嚟讲无疑系十分高兴嘅事情，“其实都唔系第一次叫我签，上年时候已经有叫过，连续两年都有问我，咁自己觉得可能佢哋真系睇到我有进步，睇到我有能力，咁就叫我签约，对我嚟讲都好大肯定。”

签约后会唔会多咗好多发展机会呢？君妍表示其实仲未知道：“因为之前未签约时候都拍紧公司剧，所以宜家有一个转折位，仲未知道。”所以宜家君妍暂时处于未知道嘅情况下工作，不过佢都讲到公司都唔会好确实同自己讲会有一套大剧，妳做女二啦咁样，对未来佢自己都唔太肯定。