【多功能老婆‧有片】周柏豪演有钱仔俾人打：最紧要唔好整亲块面
撰文： 翁汉珑
出版：更新：
今日（21日）周柏豪出席活动时，表示正忙于拍摄大台新剧《多功能老婆》。佢就话今次饰演嘅角色同《使徒行者2》有好大分别：“今次我系做一个有钱人，唔系好打得，之前拍《使徙》就打得人多，今次就轮到我比人打！”
拍打戏点会无风险，柏豪表示：“之前同黄嘉乐系街拍咗场打戏，都整伤少少，不过男仔有啲𠝹损整亲都好闲，不值一提。”柏豪受伤，老婆有冇担心？佢就话：“男人受伤好小事，唔使特登同老婆讲，最紧要唔好整亲块面，搞到影响工作就得。”
近年柏豪都多咗拍剧，系咪想向电视圈发展呢？柏豪都好开心咁话：“我真系几享受拍剧，因为可以得到好多之前做演唱会或者出碟俾唔到我嘅经验，而呢啲经验又可以互相帮补，帮到我好多。”