【深宫计】刘心悠面对背叛唔会嬲：体谅别人立场
撰文： 冼燕珊
出版：更新：
最近心悠有份主演的《宫心计2深宫计》，她饰演的元玥被曾经推心置腹的皇后王蓁（胡定欣饰）陷害，问到心悠在现实中可有也有类似经历，性格乐观嘅心悠对于“背叛”行为有一番独特见解:“我唔会觉得人哋害我，我觉得每个人都有佢嘅立场，坏人永远唔会觉得自己坏，好人都唔使楚楚可怜，我觉得尽量去体谅其他人。”
刘心悠今日出席香港老字号饼家80周年启动礼，心悠一入行就做该饼家嫁喜礼饼系列代言人，但已届37岁的她却未有著落，心悠笑言自己系代表一个待嫁嘅心情，嫁咗人反而唔适合（你又啱㖞!）。心悠坦言虽然目前仍然单身，但依然憧憬嫁人，“我好钟意简单，自己身边好Close嘅人，同我一齐分享喜悦就够。”
心悠作为一个公认嘅靓女，但却一直单身，令大家都忍唔住为佢著急，但心悠自己对于感情事却好乐观，“我觉得时候未到姐，屋企人都唔催了，佢哋好支持我嘅工作同我嘅选择。（会唔会觉得社会好标签女性一定要几岁就结婚?）我都觉得呢个系一个框框，我觉得做返自己就得，好多人一过适婚年龄就好惊，我就无所谓。”