周杰伦囝囝Romeo一岁抓周 昆凌混血细佬曝光
撰文： 冼燕珊
出版：更新：
台湾天王周杰伦嘅一对仔女，Hathaway 同 Romeo 分别已经两岁同一岁了，日前父亲节，周董同老婆昆凌邀请亲朋好友，包括昆凌嘅爸爸同细佬、周董好兄弟刘耕宏一家，一齐为一对仔女庆祝生日。在派对上，周氏夫妇为囝囝Romeo 举行传统嘅抓周仪式。
生日派对现场嘅布置非常缤纷，以环游世界为主题，仲有一条飞机跑道，背景有一个有齐全家英文字母开头嘅Logo，包括J (Jay)、H(Hannah、Hathaway、R(Romeo)，非常有心思。昆凌喺IG 晒出同爸爸细佬嘅合照，粉丝留言大赞昆凌细佬靓仔，话晒都系混血儿，五官精致，人又生得高大，绝对有条件出道呢！相中昆凌手抱囝囝Romeo，但就为囝囝遮上一个黑超图案，免得真面目曝光。
根据习俗，BB 满周岁就会举行抓周仪式，虽然抓周喺香港唔系太流行，但台湾人依然好重视呢个传统。王婉霏在微博晒出Romeo抓周的照片，唔知道Romeo最后拎起啲咩呢？抓周是预卜婴儿前途的习俗，最早可追溯至魏晋南北朝，在东亚一带国家，包括中国、日本、韩国，都有呢个习俗。
+5