【深宫计】张文慈拍剧当众洒泪纯属误会：𠮶几日有内心戏
撰文： 林迅景
出版：更新：
《宫心计2深宫计》中张文慈饰演汪司膳，虽然角色戏份并不是最重的一位，但她与尚宫局4位尚宫互有不同，又确实令观众留下深刻印象。张文慈今次是首次演出古装剧，自然是“落足心机”，她说：“古装对我有啲难度，始终我把声唔够尖，再加上笑容、做手真系唔识，所以开工头几日真系唔惯㗎。”
对于有网民挑剔张文慈声线似“男人声”，她就十分豁达：“唔使睇呢套剧啦，睇我以前啲剧都知我把声沉。试过有一次有电话打嚟，我话：‘喂’对方就开口讲：‘张生’添。其实我都唔系第一次俾人话我把声沉，都接受咗呢个就系我把声。（如果有网民话你男人声你会介意？）冇办法，但系亦都有人赞我把声独特，呢个亦都系我特别之处。”