【金宵大厦】邓佩仪拍喊戏一秒就有眼泪 背后原来有段感人故事
撰文： 林迅景
出版：更新：
《金宵大厦》在6月初已经拍摄完毕，相信不久将来就会播出同大家见面。据知主要讲述香港社会民生故事的《金宵大厦》以近似美剧的单元型式播放，相信会令观众有耳目一新的感觉，就连剧中饰演“温睛”的邓佩仪（Gloria）也表示十分期待剧集的来临。而Gloria的角色故事也是围绕家庭。她接受《香港01》访问时说：“我记得以往拍喊戏都需要陪养感情，而今次拍《金宵大厦》嘅2，3场嘅时候都唔需要，一讲到围绕亲情嘅时候，眼泪就‘巴巴声’咁流。”
Gloria表示原来每次拍喊戏，很自然就会联想到父母照顾她的情景：“喺我人生道路上，我爸妈系做咗好多嘢，付出咗好多，（谂返起嘅时候）就可以令我一秒就喊。”感动事多到数不清，但有一件事是令Gloria最为深刻。“𠮶阵我喺外国读紧书，因为某一啲原因，人生第一次连续喊足2个钟，我都唔知原来一个人可以有咁多眼泪，我仲记得𠮶时妈咪坐系我对面梳化陪我一齐喊，因为佢见到我喊到讲唔到嘢。𠮶一幕好深刻，两母女坐咗喺个厅度喊咗两个钟。”