【开心速递】细龙太陈伟琪热爱篮球　有姿势有实际网民赞：好波！

无线处境剧《爱‧回家之开心速递》入面的细龙太Jenny (陈伟琪饰) 成日都打扮靓靓以贵妇look示人，同大小姐 (林淑敏饰) 权斗争宠系她的日常。不过现实生活中的陈伟琪 (Vicky) 就同细龙太好唔同喇，Vicky最钟意做的绝唔系搞是搞非，而系做运动，更加是一个篮球健将。近日就有网民于讨论区重温Vicky之前打篮球的片段同靓相，大赞她好波，完美示范咩叫做有姿态有实际。

Vicky小学时期已经开始打篮球，她接受电话访问时表示：“我咁钟意打篮球其实都关我爹地事， 有次爹地入咗去我间小学个篮球场，离远45度角穿针入波，我觉得爹地𠮶下好型，所以自己都想打好啲篮球，我到6年班就做咗篮球队队长。”她在加拿大生活时，由于仍未有胆落街场打波，她的爹地妈咪就会驾车载她周围去揾球场练波。”

现在Vicky一有时间就会落去街场跟队打波：“因为工作忙好难可以约到成班朋友一齐打，我通常会去维园同修顿跟队打，都识咗啲波友㗎。我唔介意同新朋友打，睇下人哋唔同嘅打法。”大家如果想同Vicky打波不妨去呢两个地方撞下她。她又谓小时候也试过打波受伤，但现在不会了。“依家最紧要打得开心，出一身汗，都会就住打尽量避免受伤。之前同细龙生 (郑世豪) 打就唔小心拗柴，扭伤左脚，到依家都仲有啲痛。”

Vicky话自己最疯狂时会日日打，甚至试过着住条cocktail dress打。问到样靓身材正的她打街场可有畀人撩，她说：“唔会，因为我好好胜，唔会hea打，啲人知道我唔系嚟玩嘅。我试过跟场时话跟队，畀人话‘你都打呀？’，最初佢哋完全唔mark我，唔理我，无视我嘅存在，但当交咗个波畀我之后发觉原来我系识打嘅，反而会问返我打唔打多几场，对我会有respect。”

一齐睇相睇下Vicky有几好波