“严谨”张达伦主动降呢弃做亲生仔　赚人仔不忘本：冇TVB冇我！

相信各位电视精仍然记得处境剧《爱‧回家》里面深爱住霞姐的暖男“严谨”，张达伦（Max）自从饰演完这个形象入屋的角色后，在其他剧集中的戏份亦愈来愈多，更在不久之前拍完的《好日子》中首次升呢做第二男主角，绝对有机会行多一步成为男一。不过，张达伦最近却决定唔做TVB亲生仔，由经理人合约转成基本艺员合约，令人有少少出奇。

张达伦接受《香港01》访问时便指转合约这个决定其实是试一试新工作模式：“因为喺TVB已经十几年，都想试下可唔可以自由度大啲。之后同罗天池合作拍网络大电影《命运老虎机》，反应都OK，𠮶边都问我会唔会继续试。其实我同TVB关系都好好，转合约𠮶边珍姐（曾励珍）都话日后有问题都可以同佢倾下先。”

至于之前拍网络大电影揾到几多？张达伦坦言：“拍一套要10至12日，都揾到6位数字嘅。（你依家喺TVB大约有几多钱人工？）其实唔定，但正常都有5位数字。”记者指他一个月拍两套网络大电影已有TVB好几倍月薪，张达伦即谓：“边有得咁计，唔可以咁比较啦。我喺TVB赚到嘅嘢都好多，冇佢我冇咁多机会，冇得做严谨，亦都冇可能同苏玉华、张卫健合作。”

讲到张达伦最近荣升到男二级数，问会否怕转约后再没有此机会？他说：“都有好多人话我好冲动，但我又觉得依家唔博几时博。唔知呢，应该唔会冇机会嘅，最紧要系睇个演员嘅价值，有价值一定有机会。其实，角度有冇得发挥，紧要过系唔系主角好多，严谨都唔系主角嚟。（有冇谂过索性好似罗天池离巢兼重心放内地？）咁唔得，生咗个B冇耐呀，想见佢多啲。”他又指老婆好支持他转做新合约：“佢想法同我好近，只系担心我会唔会成日唔喺香港。”正拍摄《白色强人》的他亦指完成此工作后，暂未有其他工作安排，相信公司是想让他有更多时间接洽其他工作。