【飞虎之潜行极战　有片】吴卓羲MK衣著向黄宗泽挑机　三哥：打和

吴卓羲 (Ron) 是公认的靓仔型男，不过他的衣服品味好唔好就真系见仁见智喇。继上次的《米埔时装周》讲完黄宗泽 (Bosco) 的衣著打扮之后，无线的See See TVB facebook网页又有新片讲fashion，来来今次第二回的主角终于轮到Ron了。条片讲Ron要向Bosco的 #无性系 衣著挑机，以他极具个人风格的 #街头风 打扮来迎战。Ron表示冲动了13年，系时候要做返啲嘢喇，于是近期就穿上印有静音标示的Tee，提醒自己做事要三思而后行，所以属于 #提示系 造型。

条片仲好抵死咁话Ron原来系师承“时装圣婴”煎pan (即系陈展鹏)，连展鹏都玩埋，指出Ron以前已经有先例着到好似煎pan咁，着褛都要着穿窿褛，最近就钟意在长袖恤衫外衬中袖轻纱外套，仲要帮Ron配音话：“我觉得自己完美带领旺角潮流文化，落到西洋菜街同啲大妈一齐跳舞都无代沟，乜你喺旺角无见过我咩？”最后更由三哥苗侨伟做评判睇下Bosco同Ron边个fashionable啲，三哥话：“泽囝，你嘅打扮打破咗人类对男女时装认知，牙Ron，我亦欣赏你对MK文化嘅坚持同执著。”所以三哥判两人打和！