【深宫计．专访】张慧仪独力照顾养子　爱情受挫不后悔：命运安排

“冇嘢叫做后悔嘅，一切都系命运安排。”

张慧仪人生就如电影，拍过电视剧《真情》同时也拍过王晶的电影《强奸3OL诱惑》及《原始武器》成为“性感女神”、被未婚夫殴打及后孤身一人又到北京生活10年、收养患心脏病的养子、成为商人再重回电视圈。其实问到“你人生做过乜乜乜，后唔后悔？”99%的艺人也会惯例说：“我唔后悔，人生冇得返转头㗎。”这类说话。不过，张慧仪在过去20年的演艺圈生活，一定过得比大部份更曲折离奇。如果大家经历过张慧仪一样的人生，又能否可以像她一样坦荡荡的说“冇嘢叫做后悔”呢？

张慧仪90年代可谓街知巷闻的影星之一，无论是其入屋的代表作《真情》中的“彩瑶”和“阿贵”、《西游记》中的“大蜘蛛精诗诗”又或是现在播出的《宫心计2深宫计》的陆司制，都为她赢得不少掌声。

不过在1999年张慧仪拍摄《真情》期间，就接拍了王晶的《强奸3OL诱惑》、《原始武器》2部电影，当时更让人惊讶她竟会放弃电视上的正面形象。“我觉得作为演员应该可塑性高啲，除咗入屋之外，性感都系一个image嚟㗎，而且我𠮶时后生，后生我仲有咁嘅条件，我应该去show畀人睇。𠮶时我系有呢个心，我到宜家都唔后悔，宜家我谂返我自己，好在我后生嘅时候性感过。点解呢？因为我宜定咁嘅年龄我唔会做呢啲嘢，个心态都唔一样，仲会觉得好核突添。”

【深宫计．专访】刘心悠不爱做女神：我长短脚大细眼唔Perfect！

【深宫计．专访】张文慈自觉学做人难过学做戏：有啲嘢唔好咁认真

冇咩话后悔亦冇咩话遗憾，（霍绍裘）都系人生中出现过嘅一个人。

《宫心计2深宫计》中，张慧仪饰演的陆司制没有感情生活，但原来现实中的她一样是爱情失意。要讲张慧仪最轰烈的一段爱情，就是她与未婚夫霍绍裘。

2003年正当所有人都以为张慧仪会与未婚夫霍绍裘“拉埋天窗”之际，却因被未婚夫殴打受伤而感情亮起红灯。谈及当年，她也没有后悔过：“每一个人喺生命中出现，一定有佢嘅理由，唔会系偶然嘅系咪？就算系，都系我自愿想同佢一齐，就冇话后唔后悔嘅，既然佢曾经喺我生命中出现过，陪我行过一段路，无论𠮶段路有几长有短，都叫做一个经历，既然大家唔行到尾嘅，咁亦都系我哋缘份浅，咪就系咁啰，冇咩话后悔亦冇咩话遗憾，（霍绍裘）都系人生中出现过嘅一个人。”

只身一人远赴北京做生意

同年张慧仪亦远离伤心地到北京，她形容北京之旅只是散心：“𠮶时离开，冇谂过一去就系10年。我去到北京真系一个朋友都冇，我连住边我都唔知。我去到北京谂住放个悠长假期，直至到我做生意，我带住果酱遂间遂间经销商去sell。人哋同你讲no，但系唔紧要，我同自己讲‘唔紧要，北京咁大，我只要揾到一个就够㗎啦。’后尾揾到个经销商就咁去，生意好普通。但因生意普通，我有时间去做义工，就喺孤儿院遇到我个仔。”

【深宫计．专访】康华叹香港大陆拍剧分别大：国内系演员定规矩

【深宫计．专访】黄心颖见惯娱圈明争暗斗：有咩事我都会出声

一个正常都会反对，但系我唔知点解有咁大决心我一定要同佢一齐，呢个就系天意，天整定要畀我㗎。

命运安排了张慧仪与Hanson的相遇，同时也似乎填补了她爱情上的空白，成为她人生之中最重要的人。“唔知呢，我觉得女性去到某一个年龄有一个隐藏嘅母爱，自己都唔发觉㗎。佢系满足咗我呢一个母性，唔系佢，我都唔知自己有咁大嘅母爱。”每样关于仔仔的事，张慧仪都特别上心，无论是学业、仔仔医疗上的照顾又或是饮食，她都尽量亲力亲为。“佢真系我一手凑大，佢食嘅每一餐都系我煮。佢返学我就6点钟起身，煮好早餐同埋午餐畀佢带埋返学，就算我以前拍《M-club》拍到半夜三更，我都系第二朝6点起身煮早餐畀佢，呢个已经系我生活一部分，我已经唔觉得辛苦。”

“我个仔成日都话：阿妈你系女中豪杰。我问阿仔你知唔知咩叫女中豪杰吖？佢话能干嘅女人咪女中豪杰啰。”

就正如文章开头写到，张慧仪对人生完全没有后悔2字，一切她遇过的事情，就如预先为她安排好一样。或许她当初没有接拍王晶的电影时，就没有“性感女神”的称号；或许她当初没有选择与未婚夫分开，她就不会只身一人到北京；或许她没北漂的话，就不会到孤儿院，更不用说会遇上患有心脏病，嘴唇发紫的2岁小孩，再成为她的养子Hanson。或许张慧仪这个“不后悔”的人生中的一切，就是引导她到养子Hanson的身边，或许Hanson就是她人生中的答案。