【世界杯】俄罗斯超强太太团 前锋史莫洛夫老婆系选美冠军
万众期待的世界杯将于香港时间晚上11点举行揭幕赛A组赛事，由东道主俄罗斯大战沙特阿拉伯。作为主办国，俄罗斯出到线，唔少球迷都已经收货。虽然俄罗斯实力有限，假如今晚赢咗沙特阿拉伯，好可能下星期二对埃及都好大机会输波。睇唔到俄罗斯国家队踢波唔紧要，值得留意嘅系俄罗斯国家队嘅WAGs（Wives and Girlfriends of high-profile sportspersons）。
施哥夫太太 Inna Zhirkova
早前俄罗斯网上杂志《Spletnik》举行咗个选举，邀请网民投票选出俄罗斯国家队最索球员另一半，而效力过车路士嘅老将施哥夫（Yuri Zhirkov）太太Inna Zhirkova就被选为第一位。Inna五官标致，身材火辣，喺Instagram经常晒长腿同性感照，就算生咗3个小朋友，身材依然keep得非常好。不过靓唔系大晒嘅，Inna原本喺2012年曾经成为俄罗斯小姐，但最后因为喺访问环节中，被问到究竟地球系围绕住太阳旋转，定系太阳围绕住地球旋转，一个咁简单嘅问题，佢竟然答唔知道，最后就因为咁而被褫夺冠军。
艾坚菲夫太太 Ekaterina Gerun
第二位就系门将艾坚菲夫（Igor Akinfeev）太太Ekaterina Gerun（Katy），Katy生于乌克兰，父母系作家同老师，喺大学主修化学工程，更精通多国语言，包括：乌克兰语、俄语、英文、法文，Katy参选过乌克兰小姐大赛，更夺得第四名，之后就投身娱乐界任模特儿同演员，名乎其实嘅才色兼备。不过Katy就同老公艾坚菲夫一样咁低调，亦好少活跃于社交平台。
史莫洛夫太太Victoria Lopyreva
下一位要介绍就系前锋史莫洛夫（Fedor Smolov）太太Victoria Lopyreva，Victoria于2003年夺得俄罗斯小姐名誉，现时除咗系电视主持同演员，间中都会做模特儿工作，今年亦系世界杯官方大使，负责推广世界杯。