谭仔史上第一个生日PARTY　Cheronna为男友黄奕晨安排惊喜

撰文： 冼燕珊
出版：更新：

成日有人讲笑话想喺谭仔开生日Party，日前终于有人实现呢个梦想喇，第一个成功喺谭仔开生日P 嘅人系夏雨个仔黄奕晨（Dixon），今次仲系女朋友Cheronna(吴嘉熙)嘅惊喜安排，令佢非常Surprised！

夏雨仔仔黄奕晨成为史上第一个喺谭仔搞生日Party 嘅人。(IG图片)

今次可以话系史上第一次有人咁 Official 地在谭仔开生日Party，Dixon 在IG 留言说：“我谂各式各样既生日party大家都有见识过，不过一个系谭仔搞既生日party我肯定你地冇去过！点解我咁肯定呢，因为PR姐姐话我系第一个都系最后一个会系谭仔搞生日party既人。”

之前 Cheronna 生日， Dixon整咗个麦乐鸡蛋糕，令女友非常惊喜。(IG图片)
呢个土匪鸡翼蛋糕真系不得了。(IG图片)

Cheronna 接受《香港01》访问时说：“我同Dixon 都好钟意食谭仔，所以我谂，如果可以喺一间我哋都钟意嘅餐厅度过生日都几开心吖，而且从来无人试过喺谭仔开过party，公司帮我去同谭仔倾，我仲同公司讲一定一定一定要搞到。”Cheronna 今次为咗畀惊喜Dixon，所以一路呃住 Dixon 去进行呢件事，佢坦言话非常痛苦：“我系唔识讲大话㗎，我好惊好惊好惊穿煲，我试过发梦发到个惊喜穿煲，我吓醒咗。”

Cheronna 话今次瞒住男友安排惊喜，非常大压力，仲因此而发恶梦惊醒。（IG图片）

Dixon 接受《香港01》访问，大赞女朋友今次整个安排非常“出色”，动用埋公司资源帮佢搞呢个party，唔只委托经理人联络谭仔去倾，仲邀请埋 Dixon 最 close 嘅朋友，最不得了系𠮶张长辈图生日Poster 同埋土匪鸡翼“蛋糕”，令Dixon非常惊喜，佢话觉得女朋友真系好sweet：“好耐无试过有呢种感觉，直至依家睇返啲相仲会笑出嚟，真系好开心咁笑出嚟” Dixon 同 Cheronna 感情一向非常甜蜜稳定，佢直言经历过呢次惊喜，令佢觉得同Cheronna 嘅感情更加升华，“好耐无试过有一个人花咁多心机同时间，准备一个 Surprise 畀我，我觉得我哋感情再进步咗。”

Cheronna 邀请咗 Dixon 最 close 嘅朋友一齐庆祝生日，令男友非常感动。(IG图片)
呢张长辈荷花图真系好有心思。(IG图片)