【走佬去台湾】杜汶泽举铁感压迫　因女教练好相与：会同老婆报案

撰文： 邝钰莹
出版：更新：
靓女教练Angel贴身助教，令阿泽非常有压迫感。(影片截图）
阿泽更笑言如果系为对眼著想，当然要拣台湾教练。(影片截图）

最近对健身非常积极嘅杜汶泽，去到台湾拍《走佬去台湾》时，虽然“打包”埋私人教练Sam同行，但身为好奇宝宝嘅佢，亦喺当地揾咗位女教练，趁机体验一下港台健身不同之处。见到身材有番咁上下的靓女教练Angel之后，阿泽就用广东话表示：“我想练到好似你个胸咁！”为怕教练听唔明，佢就用国语表示：“教练我想集中在胸部的部份，应该做些甚么呢？”成个意思唔同晒㖞！

健完胸后，靓女教练话因为要放松肌肉，于是为阿泽按摩。“如果Sam(香港男教练)咁按我，我一定报警，依家我会报定案，打比老婆话ViuTV迫我。”(影片截图）

靓女教练Angel除为阿泽设计咗滑轮飞鸟、平卧哑铃飞鸟一系列动作之外，更一直在旁协助，当阿泽平卧举起24kg嘅哑铃时，靓女教练就在前方协助，之不过由于教练身材太劲，结果每次只要一弯身，其心口同阿泽个头近乎零距离，“唔知系未台湾哑铃特别重，好似有成座山落嚟。”有咁好福利，难怪阿泽话就算举多100吓都无所谓，之后更笑言“台湾教练好好相与”到底系好相与定好双乳呢？why not both!

香港教练落场时，阿泽系咁嘅样。(影片截图）
+2