【非分熟女】郭奕芯新戏全素颜上阵　怕吓坏台湾视帝吴慷仁

郭奕芯（Ashina）今日中午出席电影《非分熟女》开镜拜神仪式，今次Ashina一角饰演街市妹，要以全素颜饰演拍摄，Ashina话：“因为导演要求我全素颜，加上今次穿著真系好街市里面嘅𡃁妹。”而佢今次同台湾视帝吴慷仁有大量对手戏，Ashina笑言好希望对方唔好惊咗自己大大个黑眼圈嘅样。

大家成日都会讲，女明星化妆前同化妆后好大差别，但Ashina就无有怕，直言：“其实自己化妆前后样貌都唔会好大差别，因为自己平时工作之外都只系化一个淡妆，不过素颜拍戏始终第一次。”

Ashina话今次角色系一个女强人，但现实中嘅佢又系唔系呢？Ashina就觉得自己唔多算系啦：“拍拖时候其实自己都好小朋友，但对于面对唔太熟悉嘅人自己都希望会坚强一啲。”不过Ashina依家都仲系单身，都向往每日有开心嘅日子，佢自己就唔会强调一定要揾一个有钱人，但一定要对佢好，就呢一点已经好困难。