张智霖吴镇宇原来系榴梿发烧友　镇宇自封专家分享下火秘技

吴镇宇同张智霖一齐出席新戏《泄密者们》首映礼，活动期间大谈喺马来西亚拍戏趣事。原来两位都系“榴梿发烧友”，Chilam去之前仲特登发掘左张“榴梿评分表”，实行要同镇宇食匀马拉榴梿！

一讲到食榴梿，镇宇笑住话：“喺当地晏昼食几旧，夜晚再食几旧，本身我就唔系榴梿专家，今次去完返嚟即刻变咗专家！”但系食咁多，就算唔怕身材走样，真系唔怕燥热流鼻血？Chilam同镇宇即席分享食榴梿秘技：“只要喺榴梿壳入面洒盐再冲水饮就可以下火，个榴梿壳再冲水用嚟洗手仲可以辟走啲味！”但系势估唔到，除咗两位爸爸之外，佢哋嘅仔仔都一样咁钟意食榴梿！镇宇仲话：“佢真系好钟意，左右手各一个揸住咁食！”

父亲节就到啦，两位爸爸又有咩庆祝活动呢？原来Chilam同镇宇都因为工作冇得同仔仔过，不过就冇唔开心，仲好豁达咁话：“我哋一年有咁多节日要庆祝，清明重阳过年，仲有结婚周年呀，520果啲......我发现我哋真系好多节日要庆祝，依家悭返个父亲节，冇所谓啦！”