【美女厨房】遭素食会投诉　高海宁同刘佩玥：有扑晕条鱼先㓥

新一辑的《美女厨房3》至今播出了两集，却惹来不少人投诉，通讯事务管理局的报告就指该节目现时已收到逾800宗投诉，而香港素食会也有斥责该节目于处理及烹煮活生生的动物食材时虐待动物，又指节目浪费食材和食物。早前在第二集中担任嘉宾的高海宁 (高ling) 和刘佩玥 (Moon) 就不认同有关指控。Moon说：“每一个节目都会有唔同嘅意见同回响，我哋并无浪费食材，正如BB仔学写字，我哋都唔会话佢哋浪费纸张，就算啲妈妈煮嘢食都系从错误中学习。我哋唔系去玩食物，而系有尽力去煮。”

Moon讲返其实拍完节目后会有厨师和工作人员拎走食材再用来烹调，并不会浪费食物。高ling就表示：“我有食晒啲嘢㗎，以前有㓥过鱼，所以有经验，我系用自己觉得最好嘅方法去煮。无人会想出丑，亦唔会特登去糟蹋食物，只系有时为营造节目效果将某啲嘢放大咗。”Moon同高ling原来都有先扑晕条鱼才去㓥，该集的另一嘉宾JW甚至不忍心扑晕条鱼而去了祈祷，所以她们绝没有残忍虐待动物。Moon又谓无论食材贵或平都要珍惜食物。其实两位靓女都已经好落力去煮，亦睇到她们并非在玩食物，就算煮得唔好味也不代表是想浪费食物。