【美女厨房】遭素食会斥责 Bob：绝无意图虐待动物同浪费食材
撰文： 张嘉敏
出版：更新：
新一辑的《美女厨房3》只播出了两集，却已遭到不少人投诉，其中包括香港素食会，该会斥责《美女厨房3》处理及烹煮活生生的动物食材时漠视动物的痛楚，等同虐待动物，又指节目浪费食材，因为煮得难食的食物会遭弃掉。身为该节目的三位主持人，林盛斌 (Bob)、萧正楠 (Edwin) 以及张振朗得知有关评批时，也作出了回应。他们亦都多谢大家的意见，会努力去改善节目。
Edwin表示：“个节目主要系睇啲女嘉宾惊唔惊𠮶啲活生生嘅动物，我哋已经将血腥程度减到最低，缩短咗女嘉宾处理呢啲食材嘅时间，一个画面就影完，比例好少，睇佢哋嘅厨艺先系重点。其实背后系有专人帮佢哋去处理啲动物，过程并唔残忍。”Bob同Edwin口径一致说：“睇啲女嘉宾惊同埋点样鸡手鸭脚系节目效果嚟，我哋有专人好好去处理啲动物。同埋我哋试食时都尽量去食，除非系未熟就食唔到，熟嘅都会食。而且拍完个节目之后，我哋啲工作人员会拎走啲食材返屋企煮，唔会浪费。”
振朗就表示：“我哋个居住环境好嘅系可以容纳100个唔同嘅声音，我哋会听取大家嘅意见，努力去改进。啲女嘉宾唔系特登要煮得难食，有啲真系唔识煮嘢食，有啲煮得好好味，我哋会清晒，全部食晒无浪费。”Bob一再强调：“我哋完全无意图去营造残忍嘅画面，无虐待动物同埋浪费食材。”