《陀枪师姐》关咏荷欧阳震华重聚　Esther：好怀念开厂嘅日子

关咏荷（Esther）今日（11日）出席黄智贤的铺头开张活动，更遇上欧阳震华及滕丽名，三人聚在一起令人联想到三人经典剧集《陀枪师姐》，Esther表示今日出席活动见到一班朋友好热闹好开心，“好似番咗Tvb开厂一样咁热闹。”

近年Esther主力照顾屋企人而未能复出拍剧有作品畀观众，但经过今日见到咁多朋友会唔会想拍番剧呢？Esther回应：“之前冇呢个想法，但啱啱行入嚟嘅时候见到咁热闹，突然间有一个想法，都可以开番一部戏嚟拍，因为可以怀念一下以前喺厂嘅日子。”Esther咁讲法睇嚟佢复岀嘅日子不远了，Esther都透露成日街上有人问佢唔再拍戏啦？Esther就不禁会谂：“我可以拍啲咩呢？”

其实Esther仲有一个选择，就系可以叫老公张家辉开番部剧畀佢拍，不过Esther就表示唔好啦：“叫佢做电视剧导演？我惊我死呀，（点解呀？）因为做电视剧导演佢会好辛苦，更何况佢拍电影已经好辛苦㗎啦。”