薛家燕娶新抱变超豪奶奶　巨型龙凤鈪拳套咁大

撰文： 洪晓璇
出版：更新：
等咗咁多年，家燕姐终于有新抱茶饮，当然笑到见牙唔见眼啦。

网上经常流传著上裙褂嘅新娘子，身上戴满金器同龙凤鈪，代表住长辈对新人嘅祝福。6月11号系薛家燕囝囝石耀庭同女友Zoe拉埋天窗嘅大日子，由阿仔求婚成功开始，家燕姐对娶新抱一事就非常著紧，之前已经送上市值2千万嘅西半山豪宅俾阿仔作新居。呢日阿仔接埋老婆，斟新抱茶俾奶奶饮，家燕姐亦准备超大厚礼 --- 六层金猪炼加特大立体龙凤鈪，单计金器价值已经超过40万。

Jackson用大红花桥迎娶新娘子。

家燕姐二仔石耀庭（Jackson）呢日迎娶女友陈素怡（Zoe），新郎哥跟足传统著上金黄色马褂，胸前挂上红绣球，Book埋大红花桥去接新娘。接完新娘后就当然要向奶奶斟茶啦，家燕姐等足咁多年终于饮到杯新抱茶，真系甜到入心。由囝囝拍拖起，家燕姐已经当正Zoe系亲生女一样，今日正式成为一家人，当然特别兴奋。

家燕姐同亲家奶奶（图右二）及Zoe婆婆（图左二），都有著上妈妈裙褂，相当喜庆。

薛家燕娶新抱个个著“褂皇”系咩玩法？ 非为抢镜只系跟足传统

金器一贯系婚礼上新娘子必备饰物，由头到颈仲有双手，戴得愈多愈有排场，家燕姐亦唔例外，呢日准备咗六层金猪牌亲手为新抱戴上，3只大金猪连同一层细金猪叫做“四代同堂”，家燕姐买足6层，肯定好恨儿孙满堂啦。

６层金猪牌真系相当罕见﹗

除咗猪牌以外，其中一对立体龙凤鈪更加系份量十足，龙凤雕功精致活灵活现，目测应该重量超过10两，单系呢对鈪已经估计超过15万，全部金器加埋超过40万﹗之前过大礼已经花费过百万，加上两场婚宴，呢次家燕姐豪使4000万娶新抱，真系锡到佢地㶶呀﹗

家燕姐准备超过４０万金器，送俾一对新人。
有网友笑言，立体龙凤鈪似足拳套咁大。

即click图辑睇婚宴有几豪

+3