【深宫计】陈炜戏里戏外情路坎坷：我都想识下新朋友

陈炜 (炜哥) 自从加入了无线之后，可以话系一剧接一剧，有好多演出机会。这日她就出席有份主演的新剧《危城First Lady》演员煞科晚饭，她表示拍摄这套剧也辛苦的，不过当然不及拍《宫心计2深宫计》辛苦啦。炜哥说：“其实做完太平公主之后，拍咩剧啲对白都好易handle，因为小青姐 (梅小青) 系要求我哋一字不漏咁背晒啲对白，呢套亦系我第一套真系要背对白嘅剧，拍时装剧嘅对白唔使咁样背，除非系演啲专业人士例如律师𠮶啲。”

讲到炜哥在《危城First Lady》的角色情路比较坎坷，而在《深宫计》所演的太平公主驸马亦被斩首，现实生活中她又经历了离婚，仿佛戏里戏外她的感情生活都不太如意，问到她可会因此而不相信爱情，炜哥说：“系㖞，我拍亲啲角色嘅情路都好似好坎坷咁嘅，不过我真系忙到无时间识朋友，我都想识下啲新朋友。（想唔想我拍拖？）睇时间同埋睇缘份啦。（有无咩择偶条件？）遇都未遇到，遇到先啦。”

炜哥近日凭住饰演太平公主一角演技备受赞赏，更有网民认为她有机会获提名今届视后又或是最佳女配角，对此她说：“好多谢大家嘅支持，自己都好开心可以接到呢个角色，可以话系我从影以嚟嘅代表作之一，因为真系拍得好辛苦，每场戏自己都好深刻，付出咗好多，所以都希望观众会钟意。”