陈自瑶称从不戴婚戒真唔真？ 呢啲证据可以证明
撰文： 冼燕珊
出版：更新：
今日陈自瑶(Yoyo)出席活动，亲身为婚变传闻解画，佢回应跟王浩信的婚姻没有问题，但传媒就将焦点放在佢没有戴婚戒上，但解释其实咁多年来，工作时都不戴戒指，Yoyo 说：“可以回溯返好多年前，我所出席嘅所有活动，基本上都冇戴过婚戒嘅，唔系净系而家冇戴嘅。”
我哋好听话地，真系去揾返所有 Yoyo 的工作相片，除了结婚初期戴过几次之外，Yoyo 之后又真系好似无戴过结婚戒指。呢几次包括2011年11月Yoyo 同王浩信结婚𠮶日，同年 12 月出席活动，同埋阿囡百日宴，之后都无再见佢公开戴过了。
Yoyo 解释：“我哋做呢行系少戴婚戒嘅，应该话我哋两个都系啦，因为拍剧有好多角色身份.......我避免返工放工成日除低自己只婚戒，我又好惊唔见嘅时候，咁我就选择唔戴，我咁多年都好好保存，因为我好惊唔见。”Yoyo的解释都好正路，做演员戴戒指的确唔方便，睇返好多已婚艺人，其实都唔系成日戴戒指，例如田蕊妮同杜汶泽、陈豪、黄智贤等。怕又戴又除容易整唔见，所以索性唔带，收起来好好保存，其实都系一种珍惜嚟。