陈自瑶首度现身回应婚变：呢啲新闻影响到我屋企人嘅情绪
撰文： 吴子生
出版：更新：
陈自瑶王浩信传出婚变多时，每日都有不同版本，今日老公王浩信先在ig发表言论，而老婆陈自瑶今日现身活动，一次过回应所有婚变传闻，现场所见陈自瑶相当精神，不过传媒焦点都落在她没有戴婚戒的手上，觉得是婚变好大“启示”，但陈自瑶对于这点有详尽的解释.......
“呢几日嘅报导真系好搅笑，大家嘅想像力同编剧能力相当之高，将所有嘢左拼右拼，唔知点解就好了解成件事，但我系唔知嘅，咁当然啦，所有嘅报导都唔系事实，大家唔好再写唔系事实嘅报导啦，因为咁样真系会影响到我屋企人嘅情绪，或者系我嘅小朋友，我哋而家都系夫妻关系啰，老夫老妻咁啰，我唔想为呢件事再缠绕住喇，报导话我提出离婚啦，赶老公出门口啦，小朋友唔系同我哋一齐啦，呢啲全部都唔系事实，冇讲过亦冇做过，（点解今日唔戴婚戒出席活动？）如果大家真系有兴趣想知，可以回溯返好多年前，我所出席嘅所有活动，基本上都冇戴过婚戒嘅，就唔系剩系而家冇戴嘅，咁系咪代表我一开始𠮶婚姻就系有问题呢？只不过我哋做呢行系少戴婚戒嘅，应该话我哋两个都系啦，因为拍剧有好多角色身份，有时可能演人哋老婆，人哋个家姐或者女朋友，如果角色系人哋嘅老婆，咁我咪要戴两只婚戒？冇可能一个人戴两只架？我避免返工放工成日除低自己只婚戒，我又好惊唔见嘅时候，咁我就选择唔戴，我咁多年都好好保存，因为我好惊唔见，其实就系咁简单。”
+9