【学是学非】刘颖旋随队韩国取景 玩机动游戏爆喊︰我系完全失控
撰文： 吴子生
出版：更新：
刘颖旋日前现身上水“传奇再现”英超足球邀请赛记者会。一众前英超球星，曼联科东尼更即场传授刘颖旋足球技术，并与现场“粉丝”玩游戏。
万众期待的世界杯即将来临，呢股热潮席卷全球，但原来唔系个个都钟意㗎！好似刘颖旋，虽然好钟意运动，但对足球就唔多感兴趣喇！“因为觉得足球场好大，要跑来跑去，自己好难应付，但我都会留意世界杯嘅，都会去睇，自己本身钟意打篮球，钟意射三分波。”
早前成班《学是学非》主持，远赴韩国拍摄，仲逗留咗8日。颖旋笑言喺呢8日里面，五位是非精走埋一齐，虽然好嘈吵，但又非常之开心，“我哋仲扮韩国女团，带戴帽戴口罩，仲拍手指舞放上网，得到好多人留言赞好，成件事好开心。”
颖旋透露系拍摄期间，因为要玩一个sky track机动戏，为咗完成拍摄，要面对人生一个重大挑战。“当佢哋拉我上去嘅时候，个人已经好惊，开始爆喊，唔知点解控制唔到自己，𠮶种惊由内心发出嚟。上到去仲吓亲个教练，问使唔使停止。最后我都完成咗，觉得自己好成功好有满足感。”