【美女厨房】唔好罢睇第二集更精彩　张振朗：有人比陈凯琳更地狱

《美女厨房》第2集（6月8日）今晚就有，在这个8号的晚上，相信大家都已经“担定櫈仔”笑足一晚。之但系，如果有人打算“罢睇”的话，就可能会有损失。事关众位主持亦明言第2集比第1集玩得更放、窒人窒得更尽、女嘉宾亦更理所当然地更加地狱厨神。唔睇，又好似真系自己损失㖞。

张振朗接受《香港01》访问时说：“我觉得《美女厨房》系一个经典。从来经典都系超越唔到，经典系用嚟摆喺个心入面，所以我哋做嘅时候系想做出一个我哋3个嘅《美女厨房》，同埋最紧要想观众开心笑下。”第1集负评多到吓死人，所以大家都很关注第2集的表现。张振朗：“我哋都有睇网上评价，可以第1集嘅时候唔够自然，点样去笑下啲女嘉宾，呢样嘢可能就系大家钟意想睇嘅嘢。我哋第1集系锡佢哋多啲，但系第2集我哋就有改善，已经多返啲位幽默下女嘉宾嘅厨艺。我自己觉得第2集都几好笑㗎，好希望大家俾多少少时间个节目磨合一下。”

第1集播出之后，其实网上有不少言论都希望萧有3位主持回归《美女厨房》。虽然照睇TVB都唔会换主持，不过话唔埋有可能做嘉宾？“如果小方佢哋肯返嚟就梗系好啦，我谂好多人都想睇到佢，其实公司都可以同佢倾紧都唔出奇。”问到第2集有甚么焦点，张振朗透露：“第2集我够胆讲会有一个比陈凯琳更地狱嘅厨神出现，我都估唔到呢个世界上有人煮嘢食可以地狱得咁紧要。”