朱千雪挑战新《美女厨房》　自称地狱厨神：最好煮同洗都唔使做

朱千雪现身九龙湾眼镜发布活动！同场有歌手艺人邵珮诗，邓颖芝及陈晓琪等人，吸引大批途人围观，场面热闹。

提到女神朱千雪将会应邀上无线新一辑《 美女厨房》大显厨艺。平时十指不掂阳春水的女神千雪BB，煮𩠌又得唔得呢？千雪笑言：“冇任何准备，我觉得自己系地狱厨神，就唔系美女厨神，纯粹想去攞下经验，因为我本身唔钟意洗碗，如果煮完嘢食要我洗碗，我就唔钟意煮嘢食，所以我好少煮嘢食。”

但讲到做家务，千雪bb系一个有要求嘅人，“我本身好钟意干净，屋企嘅嘢我会做，但如果俾我拣，最好煮同洗都唔使我做啦！”

近来千雪肥瘦难分，被问到介唔介意？千雪坦言：“可能有人话我肥咗，以前嘅我系会介意，因为每个人嘅眼光都唔同，好难介意得晒，因为自己好钟意食嘢，如果你唔俾我食嘢惨过你话我肥啊！”