【美女厨房】太耐无食“垃圾”好怀念？ 方力申感叹：想回归！
撰文： 翁汉珑
出版：更新：
方力申昨日（7日）出席腕表发布会，活动期间坦言对新一辑《美女厨房》十分期待：“我真系特登校闹钟提我去睇第一集，睇完之后我都觉得系正嘅，虽然网上真系有好多唔同嘅声音，但其实我知道呀Bob佢哋要做呢个节目其实都几大压力，希望观众俾多啲时间同机会佢哋。”
被问及会否回归拍摄《美女厨房》，方力申回应：“其实我都好想有咁嘅机会，不过只系得我一个上节目唔够好笑，最好就可以揾翻晒我哋三个一齐上去做嘉宾啦！”小方咁嘅讲法，系咪代表与郑中基及梁汉文回归《美女厨房》指日可待呢？
系访问当中最后问到小方佢其实会唔会都好怀念当初尝试“地狱级”美食嘅日子呢？小方就口快快讲好耐冇食垃圾，随即改口：“我太耐冇食过难食嘅食物，所以我都好期待。”