C AllStar休团后钊峰率先派歌　自称性格似教授怕闷亲女朋友

撰文： 翁汉珑
出版：更新：

C AllStar休团之后各团员都努力去闯自己天空，而钊峰就率先第一位派歌，今日(6日)佢现身新城电台宣传新歌《月亮不代表我的心》，话要俾歌迷听到钊峰不同嘅一面。

钊峰透露自己会喺MV当中饰演研究眼涙既眼涙教授。（吴子生摄）

讲到话一个人做歌同以前有何分别，钊峰就话：“而家无论系做访问定唱歌，都冇得去依赖其他人，例如访问时冇人帮手接问题，上到台又要一个人承受晒所有目光，有时都几有压力。”不过单飞压力再大，钊峰仍然觉得享受：“自己一个做歌好自由，可以更加深入自己嘅内心，去做一啲更加代表到自己嘅歌，所以我都几享受自己一个人发展。”
 

钊峰笑言自己“闷蛋”性格可以食足一个星期葡国鸡皇饭。（吴子生摄）

讲完事业，到底钊峰既感情生活又点呢？佢就话：“其实我份人都几闷㗎，因为成日讲埋啲人生大道理，搞到身边啲人成日叫我教授，加上我除咗唱歌都冇咩特别兴趣，都希望可以揾到个唔怕我闷既女朋友。”