江若琳萧润邦晒结婚相　Elanne拍戏成日著婚纱终于嚟真

歌手江若琳（Elanne）将于12月嫁“生煎包王子”萧润邦（Oscar），两位准新人今日相继在 IG po 婚纱相，而呢辑相风格都几多变，有两人著婚纱礼服正经相拥，亦有韩式影楼风，又有坐车顶著便服轻纱轻松feel，更有两人一齐著曼联波衫搞笑。

Elanne 同Oscar仲齐齐将Profile picture转做婚纱相，不过作为曼联球迷嘅Oscar 明显特别钟情Elanne一齐著波衫𠮶张相，所以连Profile picture都系转做𠮶张。Elanne 入行多年，著过好多次婚纱拍戏拍广告，今次真系披婚衣，真系要嫁人，佢喺IG 好感触咁话：“我以为我已经麻木晒，但今次终于黎真啦，望住眼前呢位人兄，佢唔系你拍广告既拍档，唔系你拍戏既对手，而系我人生往后几十年最想互相折磨既最强对手！原来仍然会好感动架㖞，不过当我望住佢，我脑入面不停飘黎：‘点解会系你既，我地识左好耐啦㖞，咁神奇既。’”